Байгалийн Улсын Их Сургууль нь Байгаль нуураас холгүй Зүүн Сибирийн соёл урлаг, аялал жуулчлал, эдийн засгийн төв болох Эрхүү хотод оршдог.

Байгалийн Улсын Их Сургуулийн барилгыг Эрхүү хотын түүхэн дурсгалд тооцдог. Оюутны хотхон нь 100 гаруй жилийн түүхтэй.

БУИС-ийн үндсэн байр (Александр-Мариинскийн сургуулийн хуучин барилга) нь 1894 онд хаан Александр III болон Мария Федоровна нарын гэрлэсний 25 жилийн ойд зориулан архитектор В.А.Рассошинийн дизайны дагуу баригдсан.

Байгалийн Улсын Их Сургуулийн орчин үеийн оюутны хотхон нь Эрхүү хотын төв гудамжууд болох Ленин болон Карл Марксын уулзвар дээр байрладаг.

Ойр орчимд нь хотын гол үзэсгэлэнт газрууд, театрууд, музейнүүд, худалдааны төвүүд, нийтийн тээврийн буудлууд зэрэг дэд бүтэц сайн хөгжсөн.

Байгалийн Улсын Их Сургуулийн оюутны хотхон нь компьютерийн ангиуд, цайны газар болон кафе, номын сангууд мөн түүнчлэн биеийн тамирын заал, номын дэлгүүр, бичгийн хэрэгслийн дэлгүүр бүхий 10 байрнаас бүрддэг.